Pammilangngang 25
25:1 Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.
25:2 Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.
25:3 Lanri anynyombana tu Israel ri Baal anjoreng ri Peor, larromi Batara mae ri ke'nanga.
25:4 Nakanamo mae ri Musa, "Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya."
25:5 Nampa nakana Musa mae ri sikamma haking-hakinna tu Israel, "Ikau ngaseng, musti massing nubunoi sikamma tau le'baka anynyomba Baal ri Peor, lalang ri massing sukunu."
25:6 Ri wattunna angngarru' Musa siagang sikontu ummaka ri pakke'bu' KemaNa Batara, nia'mo nacini' ke'nanga sitau tu Israel angngerang baine tu Midian antama ri kemana.
25:7 Ri wattunna nacini' Pinehas, ana'na Eleazar, cucunna Imang Harun anjo apa kajarianga, ammentemmi nai' nabokoi anjo pa'rappunganga. Angngallei poke
25:8 nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.
25:9 Mingka anjo wattua tau matea nia'mo 24.000 tau jaina.
25:10 Nampa Nakanamo Batara mae ri Musa,
25:11 "Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.
25:12 Jari pabattuangi Pinehas angkanaya apparekKa' parjanjiang siagang ia.
25:13 Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel."
25:14 Anjo tu Israel nibunoa siagang anjo baine tu Midian niarengi Zimri, ana'na Salu, se're kapala kaluarga battu ri suku Simeon.
25:15 Anjo bainea niarengi Kozbi; ana'nai tu niarenga Zur, sitau kapala suku battu ri Midian.
25:16 Napassareangi Batara mae ri Musa anne parenta kammaya,
25:17 "Ewai tu Midian, siagang allei ancuru' ke'nanga
25:18 lanri kaja'dallang le'baka narancanakang mae ri kau ngaseng ri Peor; kammayatompa lanri Kozbi ana'na se'rea kapala suku ri Midian. Anjo baine niarenga Kozbi mate nibunoi ri wattunna kajariang balaya lanri anjo passalaka ri Peor."
25:2 Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.
25:3 Lanri anynyombana tu Israel ri Baal anjoreng ri Peor, larromi Batara mae ri ke'nanga.
25:4 Nakanamo mae ri Musa, "Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya."
25:5 Nampa nakana Musa mae ri sikamma haking-hakinna tu Israel, "Ikau ngaseng, musti massing nubunoi sikamma tau le'baka anynyomba Baal ri Peor, lalang ri massing sukunu."
25:6 Ri wattunna angngarru' Musa siagang sikontu ummaka ri pakke'bu' KemaNa Batara, nia'mo nacini' ke'nanga sitau tu Israel angngerang baine tu Midian antama ri kemana.
25:7 Ri wattunna nacini' Pinehas, ana'na Eleazar, cucunna Imang Harun anjo apa kajarianga, ammentemmi nai' nabokoi anjo pa'rappunganga. Angngallei poke
25:8 nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.
25:9 Mingka anjo wattua tau matea nia'mo 24.000 tau jaina.
25:10 Nampa Nakanamo Batara mae ri Musa,
25:11 "Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.
25:12 Jari pabattuangi Pinehas angkanaya apparekKa' parjanjiang siagang ia.
25:13 Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel."
25:14 Anjo tu Israel nibunoa siagang anjo baine tu Midian niarengi Zimri, ana'na Salu, se're kapala kaluarga battu ri suku Simeon.
25:15 Anjo bainea niarengi Kozbi; ana'nai tu niarenga Zur, sitau kapala suku battu ri Midian.
25:16 Napassareangi Batara mae ri Musa anne parenta kammaya,
25:17 "Ewai tu Midian, siagang allei ancuru' ke'nanga
25:18 lanri kaja'dallang le'baka narancanakang mae ri kau ngaseng ri Peor; kammayatompa lanri Kozbi ana'na se'rea kapala suku ri Midian. Anjo baine niarenga Kozbi mate nibunoi ri wattunna kajariang balaya lanri anjo passalaka ri Peor."
Comments
Post a Comment