Zakharia 4
4:1 Battui pole anjo malaeka' le'baka a'bicara mae ri nakke nampa naronronga' sangkamma tau anroronga tau tinro.
4:2 Akkuta'nangi angkana, "Apa nucini'?" Appialima' angkana, "Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.
4:3 Ri sa'ri kairinna siagang kananna anjo lampua nia' rua poko' zaitun."
4:4 Nampa akkuta'namma' mae ri anjo malaekaka angkana, "Pangngebarang apa anjo barang-barang kammaya, Karaeng?"
4:5 Akkuta'nammi ri nakke angkana, "Tenaka nuassengi?" Appialima' angkana, "Tena Karaeng".
4:6 (ay. 10b) Nakanamo anjo malaekaka ri nakke, "Anjo tujua lampu iamintu pangngebarang tujua matanNa Batara anjannangngi sikontu tompo'na buttaya."
4:7 (ay. 11) Nampa akkuta'nanga' pole ri ia angkana, "Apa battuanna anjo ruaya poko' zaitun niaka ri sa'ri kananna siagang kairinna anjo bangkeng lampua?
4:8 (ay. 12) Siagang apa todong battuanna anjo ruaya tangke zaitun niaka ri sa'rinna anjo ruaya pipa bulaeng napa'lo'loria anjo minynya' zaitunga?"
4:9 (ay. 13) Appialimi ri nakke angkana, "Tenaka nanuassengi?" Appialima' angkana, "Tena Karaeng".
4:10 (ay. 14) Nakanamo, "Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa."
4:11 (ay. 6) Nasuroa' anjo malaekaka ampabattui mae ri Zerubabel anne pasanNa Batara angkanaya, "Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.
4:12 (ay. 7) Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, 'Tamaka ga'gana!' "
4:13 (ay. 8) Nampa battu pole pasang maraenNa Batara.
4:14 (ay. 9) Nakana, "Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.
4:15 (ay. 10a) Nia' tau ampakatunai anne apa kajarianga. Mingka lanaciniki ke'nanga Zerubabel ampatulusuki pambangunanna BallakKu, siagang larannui pa'mai'na ke'nanga."
4:2 Akkuta'nangi angkana, "Apa nucini'?" Appialima' angkana, "Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.
4:3 Ri sa'ri kairinna siagang kananna anjo lampua nia' rua poko' zaitun."
4:4 Nampa akkuta'namma' mae ri anjo malaekaka angkana, "Pangngebarang apa anjo barang-barang kammaya, Karaeng?"
4:5 Akkuta'nammi ri nakke angkana, "Tenaka nuassengi?" Appialima' angkana, "Tena Karaeng".
4:6 (ay. 10b) Nakanamo anjo malaekaka ri nakke, "Anjo tujua lampu iamintu pangngebarang tujua matanNa Batara anjannangngi sikontu tompo'na buttaya."
4:7 (ay. 11) Nampa akkuta'nanga' pole ri ia angkana, "Apa battuanna anjo ruaya poko' zaitun niaka ri sa'ri kananna siagang kairinna anjo bangkeng lampua?
4:8 (ay. 12) Siagang apa todong battuanna anjo ruaya tangke zaitun niaka ri sa'rinna anjo ruaya pipa bulaeng napa'lo'loria anjo minynya' zaitunga?"
4:9 (ay. 13) Appialimi ri nakke angkana, "Tenaka nanuassengi?" Appialima' angkana, "Tena Karaeng".
4:10 (ay. 14) Nakanamo, "Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa."
4:11 (ay. 6) Nasuroa' anjo malaekaka ampabattui mae ri Zerubabel anne pasanNa Batara angkanaya, "Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.
4:12 (ay. 7) Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, 'Tamaka ga'gana!' "
4:13 (ay. 8) Nampa battu pole pasang maraenNa Batara.
4:14 (ay. 9) Nakana, "Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.
4:15 (ay. 10a) Nia' tau ampakatunai anne apa kajarianga. Mingka lanaciniki ke'nanga Zerubabel ampatulusuki pambangunanna BallakKu, siagang larannui pa'mai'na ke'nanga."
Comments
Post a Comment